鼠瘟黎啦!

04:45千辛萬苦起床，坐直10分鐘先至回魂曉落床洗面刷牙放早水~~(剛才02:30先落床喎，典解時間過得咁快??)

我可以保證，天底下最難過的 (我講生理上)，就係熟睡一刻要起床!

06:00飛的到站，繼續餘下手尾，嘩，死火啦，尋晚交低所有真言，真係變成遺言，係遺忘個遺!　真係開工大你個吉呀!

開行turbo，以競步姿態走來走去，唔講以為自己係落場玩果個，可憐小妹未吃野，成朝咬住舊香口膠當腸粉．．

10:00 stand-by! 吹雞!!!!~

“嘩，跑呀跑，好鬼快，好鬼快，蒞緊蒞緊，已經過咗太子，上緊扶手梯，响歷山準備去你個Leg 度，接力接力，Leg 3最後一個已經過咗啦；Leg 4第一個已經跑緊去交易，跑緊去交易，準備準備，最後一個來緊，係22號，22號．．．”(以上摘錄自Walkie-talkie之對話內容，勁過賽馬! 可惜冇賠率......)

睇住班朋友走到傻傻地，都真係既心痛又好笑唷! 塘邊鶴如我都算黑心啦．．．嘿嘿嘿．．

今次有幸協助「睇場」，獲益良多；但有得必有失：

－講walkie講到牙較痛，是日所講的說話是三日的總和！
－上上落落，長時間做了企鵝，今日我的大腿在向我報道天氣．．噢．．．靠！

我發鼠瘟呀！