鼠瘟黎啦!

04:45千辛萬苦起床，坐直10分鐘先至回魂曉落床洗面刷牙放早水~~(剛才02:30先落床喎，典解時間過得咁快??)

我可以保證，天底下最難過的 (我講生理上)，就係熟睡一刻要起床!

06:00飛的到站，繼續餘下手尾，嘩，死火啦，尋晚交低所有真言，真係變成遺言，係遺忘個遺!　真係開工大你個吉呀!

開行turbo，以競步姿態走來走去，唔講以為自己係落場玩果個，可憐小妹未吃野，成朝咬住舊香口膠當腸粉．．

10:00 stand-by! 吹雞!!!!~

“嘩，跑呀跑，好鬼快，好鬼快，蒞緊蒞緊，已經過咗太子，上緊扶手梯，响歷山準備去你個Leg 度，接力接力，Leg 3最後一個已經過咗啦；Leg 4第一個已經跑緊去交易，跑緊去交易，準備準備，最後一個來緊，係22號，22號．．．”(以上摘錄自Walkie-talkie之對話內容，勁過賽馬! 可惜冇賠率......)

睇住班朋友走到傻傻地，都真係既心痛又好笑唷! 塘邊鶴如我都算黑心啦．．．嘿嘿嘿．．

今次有幸協助「睇場」，獲益良多；但有得必有失：

－講walkie講到牙較痛，是日所講的說話是三日的總和！
－上上落落，長時間做了企鵝，今日我的大腿在向我報道天氣．．噢．．．靠！

我發鼠瘟呀！

同鄉

早上怱忙上班，有點遲了，趕上地鐵月台，在扶手電梯盡頭迎面有兩位婆婆正想踏進來（那是向上的呀！～想死咩．．）正要往前停住她們“進一步”行動，卻見二位慌失失的樣子，發生了甚麼事似的。

「呀咪呀，掂樣碌去呀？」 (??!!>>!@(@...)
「．．．落去呀，係咪呀？响對面呀！」
「碌泥碌虛刀牡錨幾！！」(??WE@!!!????!~)

幸好自小已習慣了吾娘那半鹹不淡的廣東話，有極好耐性；明白婆婆意思是要到下層，此時正好聽到廣播聲，婆婆緊張起來，原來是丟失了行李，想到大堂尋回云云。

為免發生意外，還是趕緊帶二位到下層。在扶手梯上，婆婆開始講其家鄉話，噢，這麼巧呀，竟然是我從小到大都聽到的潮州話！

婆婆意謂擔心行李會給別人拿掉了，當刻即時反應是告訴她：「不會，不會。」（那時我正說著潮語 !!!!)

呵！生平也不曾認真地說上半句家鄉話，更何況對著陌生人。自己也感到奇怪，可婆婆知道我會聽潮語時，登時興奮起來，像是發現古蹟一樣，之後便嘰嘰呱呱地說著我們的「共同語言」。安全護送二位長老到票務處，向職員道明來意，然後又用潮語告訴她們在那裡等一下就可以了，二位開心地道謝，而且安心下來，我便去趕車了。

我的所謂潮語實屬有限公司，非必要都無謂獻醜；無奈很怕見到老者驚惶失惜的樣子，感覺很很很無助，也許一句半句家鄉話，可以帶出同鄉的親切感，來一點幫助吧。

Hi~king! again!

重九假日，一口氣安排所有節目同日進行：

早上跟同事到西貢五塊田登高，直至布袋澳；

下午在布袋澳享用勁抽海鮮宴；

晚上和友人到老蘭吹水吹水！

回到家，身子像散了架，但精神上很亢奮，也許是早上出了一身大汗，感覺很爽！我開始愛上行山，是那種能讓你迎風遠眺，視觀可以無限擴大的空間，心情一下子鬆弛下來，舍也不用想了。

嘉道理農場

參觀嘉道理農場，真正感受到同人唔同命，連呀豬條命都生得咁正．．．

呀豬身形令人震撼；呀鼠生活悠悠；可是另一間寺廟養的呀狗，瘦得淒涼．．．

Z傳奇 － 灣仔黑俠梭羅!!

星期五如常返工，一到門口忽然多了一堆差佬！搞咩鬼？

掃黃定掃老翻？唔係，原來前夜公司來了個賊佬，好似警訊咁形容由窗口爬入來，正宗爆格樣！咁精彩，梗係要了解了解．．．

賊佬千辛萬苦爬到上來，逐個櫃統拉開哂，竟然一毫子都攞唔到，有冇搞錯，早之我檯頭果罐雞精送比佢啦！慘！冇計，所有櫃統入面一係廢紙，一係清一色扭蛋公仔，再之就係就過期零食，係人見到都會「妖」的一聲唱出來！

之但係佢搵啱一樣野，就係「好」人老闆嘅手提電腦！可以笑佢蠢，但係又要多謝佢喎，有口痕同事即有感而發：俠盜再現，替天行道呀！！好呀! (笑死)

精采花絮：

差佬：「你老細間房係咁亂架？」

同事：「係。」

差佬：「哦．．．．．ok」

是日真係Happy Friday!

Made in Shanghai

All of sudden, i am curious about any old fashion stuff can be found in my home, which was made in Shanghai, a very flourish China city. See what i found:

A stamp pad.

A pitcher

A wardrobe

A clock - this one i like the most!

Shampoo, not used by me...

Soap, smells very good

An old lock!

Brand "Hero" Harmonica

I think there should be more i can find, maybe..

Mid-Autumn Night

中秋夜，嘆潮州至耍家的餅、糖、糕、包 － 和記隆白皮綠豆沙餅。
此乃吾娘心頭好，每逢佳節例必出現在家中；其味較月餅清新，甜味點到即止，連我這種不甚好甜的小人，都會吃得津津有味架！

Atzi-Zita's birthday dinner

Oh my old schoolmates @ langhamHotel!
and, Madam Cora, i didn't forget my blog, just forget the TIME!!