關於我

係老土，但老土都要循例展示一下我豆靚時個樣．

有時見到現今家長替其金叵羅扮到醒目又有型，沙龍影完一輯又一輯，其實頗羡慕，幸福也．自己小時候照片不多，就算有，都有感不堪入目，真的很醜樣：冇posts、冇笑容、冇台型．．．實在是位一等一的「三冇太郎」！

這幾張相應該是上小學以前拍下的，由當時的未來姐夫操刀，算是目前唯一一輯「硬照」，場地是觀塘物華街對出的遊樂場，鄰近巴士總站．當年沒有太多物資，二手裙一件，打大個蘇格拉底就可以開波影相啦！

打從這輯相以後，我所拍下的照片十居其九都有問題，原因離不開五姨大剪一揮而失敗了的髮型、底衫當面衫著，以及還未散退之藤條印．童年美景，早就幻滅了．